ليه ياقلبى

ليه ياقلبى من بين القلوب
مكتوب علينا نعيش كده
نحب ناس ونضحى ليهم
ونرجع ياقلبى بجرحنا

الذنب ده ذنب مين
ياقلبى قولى
معقول ياقلبى تبقى النهايه
أرجع ودمع العين جارحنى

مش عارف ياقلبى اقولك ايه
أشكى منك طب هأشكى ليه
هو انت يعنى كنت عارف
إنه خاين بالشكل ده

اتخدعنا من البدايه
وطالت ياقلبى بينا الحكايه
وكل طريق مشينا فيه
كان بيصرخ من جرحنا

حبيت ياقلبى ووفيت وصونت
وسقوك حبايبك مر الغدر
ومع كل ده مش راضى تنسى
ياقلبى حرام عليك بقى

فوق ياقلبى من اللى انت فيه
فوق كفايه لحد كده
هو إنت يعنى فاكرنى ايه
هأعيش مستنى نظرة رضا