وكسرت القلم

وكسرت القلم
ومحيت بإيدى كل ذكرى
كنت فاكر إنى هأنسى
لاقتنى بأنسى الجرح منها

رجعت ألملم فى الورق
رجعت أجمع فى الحروف
كل حرف بذكرى جرح
خلانى من بكره أخاف

ياحب عمرى وأغلى حلم
ياجرح فوق أى إحتمال
صبرت كتير وعدى العمر
ولاقتنى عايش فى الخيال

رسمت حلم وعيشت فيه
وصحيت لاقيتك ويا غيرى
مش عارف بس أقولك إيه
بس ياريتك بقى تنسينى

حاولت كتير أقربلك
ولاقيتك إنتى بتبعدى
والنهارده علشان راح أبعد
جايه منى تقربى

ماكفايه بقى لحد كده
بإيه هايفيديك جرح قلبى
إتعودت الجرح منك
وإنتى خلاص عشقتى جرحى

مش ذنبى إنى كنت طيب
وإتحملت الجرح منك
بس خلاص هأبعد وهأنسى
ولأول مره هأرفض جرحك