ياحكاية عمرى

ياحكاية عمرى كله
ياجرح مالوش نهايه
جرحت قلبى بإيدى
والجرح عاش معايا

ولاقتنى فى عز شوقى
بإيدى بأقتل هوايا
علشان حبى ليكى
كان غلطه من البدايه

غلطه بأدفع تمنها
سنين عمرى اللى ضاعت
واتمحت ذكرياتها
بكلمة وداع إتقالت

مش عارف كان أوانها
تنزل من العين دموعها
ولا أصبر أه وأدارى
يارب صبرنى
على جرحى قدرنى
ودموعى تنسانى

سامحونى يا أغلى ناسى
منكم بأطلب خلاصى
أصل الجرح اللى بيا
خلاص موت إحساسى

ضحيت كتير علشانكم
وإتحملت الجراح
وخلاص أنا من النهارده
من جرحكم هأرتاح

هأكتب بإيدى نهايه
لحكايه توهت فيها
بديتها وكلى شوقى
وبجرحى هأنهيها